تسجيل الدخول

تواصل معنا

أغلق حسابي

حسابي

إزاي تخسر اكتر من 1000$ في اقل من 60 يوم !؟

إزاي تخسر اكتر من  1000$ في اقل من 60 يوم !؟
  • 27
    Mar

إزاي تخسر اكتر من 1000$ في اقل من 60 يوم !؟

أنا لازم أفكر صح وأتعاقد مع شركة تسويق تمسكلي الشغل بقا ويجيبولي مبيعات كتييير ولايكات

فـ عملت #بحث علي شركات كتير لغاية ما لقيت الشركة المتكاملة لإعلانات الـ Facebook ،  واللي هاتجيبلك اكتر من  مليون لايك في #اول_حملة
عملت الإتصال ، قعدتوا في الميتنج ، إتفقتوا ، ولقيت أسعارهم حلوة جدا ، 500 $ في الشهر ، إنسبطت جدا وقومتوا حاضنين بعض ورجعت بيتك بتحلم باللايكات الكتير والردود والبيع والزهر يعلب بقا

علي الجانب التاني ، بتبدأ الشركة تعملّك إعلانات كتير ، وصور البيزنس بتاعك ومنتجاتك وبيقولوا للناس إشتري دلوقتي وبيهزروا معاهم وبيتكلموا مع الـ Fans في الكومنتات ويردّوا عليهم بـ “تحت أمرك يا فندم” و “تنورنا في 58 ش الشهيد حماده الهلف” وبيعملوا كل المجهود اللي في الدنيا

بعد 30  يوم ، بتقعدوا مع بعض وتكسّروا كل الكراسي اللي في الدنيا فوق بعض بسبب إن الشركة محققتش للبيزنس بتاعك أكتر من 10 مبيعات علي بعض ، وهما شايفين إنهم عملوا كل اللي عليهم وزيادة وإنت اللي “عميل مصري” مش فاهم طبيعة شغلهم الكبيـــــر .

– دي Case Study بتحصل تقريبا كل يوم ، بإختلاف العملاء والشركات والعروض ،

ولأننا كـ Marketing Agency بتكمل السنة التانية في السوق المصري ، هنقولك إيه الأخطاء اللي وارد تقع فيها وإنت بتـ Market للبيزنس بتاعك أو لو إنت بتشتغل في Marketing Agency

هات  ورقة وقلم !؟ ويلا بينا :-

* بالنسبة للإعلانات
– لازم “تحدد” الـفئة المستهدفة  اللي هاتستهدفها للمنتج بتاعك ، التحديد ده يشمل

 (السن – المكان الجغرافي – النوع – الإهتمامات ودي محتاجة دقّة وحرفّنة – وهيساعدك في تحديد الإهتمامات إنك تكون محدد قبلها الـ Behavior بتاع الأشخاص اللي إنت مستهدفهم)

– لازم تدور وتعرف العملاء اللي إنت هاتستهدفهم متعودين يكونوا موجودين علي Facebook إمتا في يومهم ، عشان تقدر تفعّل الإعلان في الأوقات الصحّ والمناسبة لهم .

– متكررش نفس الإعلان علي نفس الـ Post تلاتين مرة ،

* بالنسبة للـ Content المحتوي
– الـ Facebook مش مكان لطيف لإعلانات “الشركة السعودية” أو يفط الكباري ، ومفيش أي فنّ أو حرفّنة في إنك تعمل Design متروس كلام كبير ملخصه “تعالي إشتري المنتج بتاعنا” فـ بلااااش ، لمصلحتك والله

– الـ Caption اللطيف اللي ميزيدش عن 140 حرف علي صورة المنتج ده مش Content ممكن يبقي Copywriting ، ممكن يبقي إرتجال ، ممكن يبقي أي حاجة تاني غير إنه Content هدفه يـ Market للبيزنس بتاعك ، الموضوع محتاج حبّة مجهود .

* بالنسبة للـ Insights
– النقطة دي بالذات لو إنت صاحب بيزنس مش هاتعرف تستفاد منها بفاعلية زي ما لو كنت شخص بيشتغل في Marketing Agency محترفة ، لأنه الـ Insights وتحليلها بدقة وحرفّنة هو اللي بيحقق علي الـ Long Term المبيعات اللي بتدور عليها .

– أوعي .. أوعي .. أوعي .. تنزل 2 Content ورا بعض من غير ما تقيس الـ Insights بينهم ، إنت كده حرفيا بترمي مجهودك وفلوس الـ Client في الزبالة .

– في Tap جديد إتضاف للـ Facebook Pages إسمه Preferred Page Audience رووح بُص عليه ، هايفيدك جدااا

* بالنسبة للـ Responding
– أكيد أكيد إنك تاخد نفس الـ Reply وتعمله Copy & paste علي كل الـ Comments ده مسموش Responding ، الحقيقة هو له مسميات تاني بس مش هانذكرها هنا عشان دي Article محترمة 😀

– زي ما في الواقع محدش هايكلمك لو مرديتش عليه ، فـ الـ Facebook برده محدش هايعبرك لو ملاقوش إنك بتعاملهم علي إنهم بني آدمين مُختلفين عن بعض ، وكل شخص وله سؤاله وله الغرض من ورا سؤاله ، خليك ذكي وإتعلم تطلع من الناس الكلام اللي هما مش بيكونوا عارفين يقولوه 😉

أترك رسالتك